إذا سألنا نفسنا و بصراحة سؤال أرجو نجاوب عليه بصدق؟؟ لما تكون جعان بتفكر فى اية؟؟ أيوة لما بتكون جعان و أسهلهالك أكثر أختار من متعدد و ممكن تستعين بصديق أو تحذف إجابتين كله متاح زى ما انت عاوز و الاختيارات 1- فى السياسة 2- فى حال البلد 3- فى مذاكرتك 4- فى الإختراعات العلمية الحديثة 5- فى توجهك الفكرى 6- فى الأيدلوجية الخاصة بيك 7- فى حبك الأول 8- فى الشقة الى عاوز تشتريها 9- فى الوظيفة بتاعتك 10- فى إنك بتدور على شغل 11- فى جزمتك الى اتقطعت 12- فى هدومك الى ذابت 13- فى الأكل الى بتعمله ماما 14- ( فى حالة لو ماما مش بتعمل أكل) فى الساندويتش الى فى إيد صاحبك و كفاية بقى اخيتارات لحد كده لأحسن تعبت و لو حد عنده اختبارت تانية يبقى يضيف المشكلة بقى دلوقتى هتختار أية؟؟؟؟......
اعتقد لو قرصك الجوع قوى قوى هتبقى الاجابة رقم 14 و لو مش قرصك قوى قوى هتبقى الاجابة رقم 13 ولو مش جعان دلوقتى هتختار أى اجابة تانية
صح و لاغلط.......
فى الحالة دى السؤال البديهى أية أهم فى حياة الشعوب الحرية أم الغذاء ...
الأيدلوجية والا الممم....
حال البلد و الا الجرى ورا لقمة العيش....
يعنى و بصيغة مختلفة البطن الجعانه مابتفكرش و عملا بالمثل الشهير العظيم القائل الجعان يحلم بسوق العيش... فده معناه إن الجعان مش بيحلم لا بالتغيير و لا بالانتاج و الا بالحرية و الا بالتعبير و لا باى حاجة هيحلم بس بالعيش و العيش فى أزمة و الأزمة عملها المفسد و المفسد و لا بيهمه واخد راحته عند المسئول و المسئول عنده السلطة و السلطة عند السلطان و السلطان....
و لا كفاية كده عليكم انهاردة.....
حبة حروف : من لا يملك قوته لا يملك حريته.....
هناك تعليقان (2):
اعتقد الشعب السامي عقليا يختار عقله قبل امعاءه لان فى الحرية و الايدولوجية سبيل لتوفير غذاء و حياة افضل
طب تفتكروا اصلا الحكومة اهتمت بإيه ؟ عقولنا ولا غذاءنا ؟؟؟؟
تحياتي
مرجانة
فعلا الغذاء قبل الحرية و الايدلوجية أحيان و اقول لمرجانة ان الابداع محتاج لغذاء الاول صعب ان واحد يبدع و هو ما خدش وجبة طول اليوم تديله طاقة و بعدين الايدلوجية مش سبيل لتوفير الغذاء العلم هو اللى وسيلة ربما يكون اختلط عندك المفهومين الله سبحانه و تعالي جعل الغذاء طبيعى فى الارض و البحار و مشاكل و ارتفاع أسعار الغذاء فى اماكن كتيرة سببها بعض الايدولوجيات زى اللى بيرموا اطنان من المواد الغذائية فى البحر عشان سعرها يزداد. الحروب الناتجة عن الانقسامات اللى بتصيب الاخضر و اليابس شكل تانى من اشكال الايدلوجيات.
إرسال تعليق