لما تلاقى راجل محترم و ملو هدومه ماشى جنبك و ماسك كيس اسود كبير و إذ فجاةًََ تلاقية خد يمين ناحية اقرب كومة زبالة عفوا قمامة و راح بكل الاطهرمىالكيس جنب اخواته يبقى اية عادى كمل مشيك بكل ثقة و اعمل نفسك مش واخد بالك........
لما تفتح الاخبار و تلاقى امركيا بترفض ان يكون لاى دولة الحق فى استخدام سلاح نووى فى الوقت الى بترفض فيه تنضم للدول خالية من السلاح النووى يبقى تقلب القناةو تعمل نفسك مش واخد بالك......
لما تلاقى طابور طويل طويل قدام شباك حديدى صغير اسمة شباك تاشيرات فى اى سفارة ادخل معاهم و خد استمارة و اعمل نفسك مش واخد بالك.......
لما تلاقى الاشارة خضراء و العسكرى موقف الاشارة عشان واحد عسكرى صاحبة بيعدى و اول ما يشوار و تيجى تعدى تلاقى الاشارة التانية الى قدامك قلبت اخضر و اشارتك حمرا ء و تكمل مسيرة الوقوف العالمى يبقى تعمل نفسك مش واخد بالك.............
لما تلاقى نفس الشخص اللى بيسالك كل يوم ان فلوسه ضاعت و عايز ثمن التذكرة فى نفس المكان كل يوم يبقى تدفع م السكات و تعمل نفسك مش واخد بالك.......
لما تلاقى فى مصلحة حكومية مكونة من 15 دور لافته مكتوبة على الاساسنير بتقول عفوا الاسانسير فى فترة الراحة لصيانته و راحته و اتفضل حضرتك يا مواطن اطلع 15 دور يبقى تطلع طبعا و تعمل نفسك مش واخد بالك......
و اذا اى كلمة من الكلام السابق معجبتكش يبقى على طول تعمل نفسك مش واخد بالك..........
أين أنا ؟
قبل 4 أعوام
هناك تعليقان (2):
و انا أوافق بس مش موافقة مجلس شعب انما اتفاق على حال شعب
لما تلاقي كل واحد مش لايق على وظيفته اعمل نفسك مش واخد بالك
لما تلاقي الاسعار بتغلي كل اسبوع او ثلاثية ايام اعمل نفسك مش واخد بالك
لما تلاقي الحاكم الفعلي لمصر غير الحاكم الرسمي اعمل نفسك مش واخد بالك
يوووووه انت هتلاحق على ايه ولا ايه
دة احنا نروح نموت بأة احسن
تحياتي يا صاحبة المدونة الجميلة
إرسال تعليق